दुर्गाप्रसाद खतिवडा(दुर्गेश)
मोरङ, ५ चैत । अमेरिकी राष्ट्रपति Donald Trump ले इजराइलले इरानको ग्यास भण्डारमा पुनः आक्रमण नगर्ने बताएका छन्।
बुधबार Israel ले South Pars Gas Field मा आक्रमण गरेको थियो, जुन विश्वकै सबैभन्दा ठूलो प्राकृतिक ग्यास भण्डार मानिन्छ। त्यसको प्रतिक्रिया स्वरूप Iran ले Qatar मा रहेको विश्वकै ठूलो ग्यास निर्यात केन्द्रमा प्रहार गरेको थियो।
यस घटनापछि पेट्रोलियम पूर्वाधारमा थप क्षति हुन नदिन तथा तनाव कम गर्न ट्रम्पले इजराइलले अब त्यस्तो आक्रमण नगर्ने स्पष्ट पारेका हुन्। उनले इजराइलको आक्रमणलाई कडा र आक्रामक भन्दै भविष्यमा यस्तो नदोहोरिने आश्वासन दिएका छन्।
इजराइल र इरानबीच ग्यास संरचनामा आक्रमण आदानप्रदान भएपछि अन्तर्राष्ट्रिय बजारमा पेट्रोलियम पदार्थको मूल्य उल्लेख्य रूपमा बढेको थियो। मूल्यवृद्धि नियन्त्रण र क्षेत्रीय तनाव घटाउने उद्देश्यले ट्रम्पको यो अभिव्यक्ति आएको विश्लेषण गरिएको छ।
तर, इरानले पुनः छिमेकी मुलुकका ऊर्जा संरचनामा आक्रमण गरेमा इरानी ग्यास भण्डारलाई कडा जवाफ दिइने चेतावनीसमेत ट्रम्पले दिएका छन्।
