चैत्र ५, मोरङ –सुन्दरहरैचा स्थित बासबारी क्षेत्रमा स्कुटर दुर्घटना हुँदा एक जनाको मृत्यु भएको छ भने अर्का एक जना घाइते भएका छन्।
स्थानीयका अनुसार ट्रिपरले स्कुटरलाई ठक्कर दिँदा दुर्घटना भएको हो। दुर्घटनामा गम्भीर घाइते भएका एक जनाको घटनास्थलमै मृत्यु भएको बताइएको छ भने अर्का घाइतेलाई उपचारका लागि अस्पताल लगिएको छ।
घटनापछि केही समय स्थानीय क्षेत्रमा तनाव उत्पन्न भएको थियो। प्रहरी टोली घटनास्थलमा पुगेर अवस्था नियन्त्रणमा लिएको जनाएको छ।
दुर्घटनाबारे थप विवरण आउन बाँकी रहेको छ।
