मध्यपूर्व — इजरायली हवाई आक्रमणमा इरानका सुरक्षा अधिकारी अली लारिजानी को मृत्यु भएपछि इरान–इजरायलबीचको तनाव थप तीव्र बनेको छ।
इरानका सैन्य प्रमुख अमिर हतामी ले लारिजानीसहित ज्यान गुमाएका व्यक्तिहरूको ‘कडा बदला’ लिने चेतावनी दिएका छन्। उनले उपयुक्त समय र स्थानमा निर्णायक प्रतिक्रिया दिइने बताएका छन्। इरानले लारिजानीको मृत्यु आधिकारिक रूपमा पुष्टि गरिसकेको छ।
यसैक्रममा इस्लामिक रिभोलुसनरी गार्ड कोर्प्स (आईआरजीसी) ले प्रतिशोधस्वरूप मध्य इजरायलमा मिसाइल प्रहार गरिसकेको दाबी गरेको छ।
युद्धको अवस्थाबीच इरानको नेतृत्वबारे पनि चर्चा सुरु भएको छ। मोज्तबा खामेनी लाई सम्भावित नयाँ सर्वोच्च नेताको रूपमा हेरिएको छ भने राष्ट्रपति मसूद पज्गियान अहिले संकट व्यवस्थापनमा सक्रिय देखिएका छन्।
उता, इजरायलले भने थप आक्रामक संकेत दिएको छ। इजरायली सेनाका प्रवक्ता एफी डेफ्रिन ले मोज्तबा खामेनीलाई समेत निशाना बनाउन सकिने बताएका छन्।
यस घटनापछि मध्यपूर्व क्षेत्रमा तनाव अझ बढ्ने संकेत देखिएको छ।
