काठमाडौं — साताको चौथो कारोबार दिन बुधबार नेपाली बजारमा सुन र चाँदी दुवैको मूल्यमा गिरावट आएको छ।
नेपाल सुनचाँदी व्यवसायी महासंघ का अनुसार मंगलबारको तुलनामा आज सुनको भाउ प्रतितोला २ हजार २ सय रुपैयाँले घटेको हो। अघिल्लो दिन प्रतितोला ३ लाख ९ हजार ९ सय रुपैयाँमा कारोबार भएको छापावाला सुन आज घटेर ३ लाख ७ हजार ७ सय रुपैयाँमा झरेको छ।
त्यस्तै, चाँदीको मूल्य पनि घटेको छ। चाँदी प्रतितोला १८५ रुपैयाँले घट्दै ५ हजार १५० रुपैयाँमा कारोबार भइरहेको छ।
महासंघका अनुसार हाल प्रति १० ग्राम छापावाला सुनको मूल्य २ लाख ६३ हजार ८ सय ५ रुपैयाँ कायम भएको छ भने प्रति १० ग्राम चाँदीको मूल्य ४ हजार ४१५ रुपैयाँ ५० पैसा निर्धारण गरिएको छ।
