४ चैत।। खोटाङ — खोटाङको केपिलासगढी गाउँपालिका–२ खार्ताम्छा स्थित बालाबेसी क्षेत्रमा हेलिकोप्टर दुर्घटनामा परेको छ।
काठमाडौंबाट ६जना यात्रु बोकेर गाउँ गएको हेलिकोप्टर अवतरण गर्ने क्रममा दुर्घटनामा परेको प्रमुख जिल्ला अधिकारी रेखा कँडेल ले जानकारी दिइन्। उनका अनुसार दुर्घटनामा कुनै मानवीय क्षति भएको छैन।
त्यस्तै, गाउँपालिका अध्यक्ष समिर राई का अनुसार बारीको डिलमा अवतरण गर्ने क्रममा दुर्घटना भएको हो। सुरुमा डिलमा अवतरण गर्न लागेको हेलिकोप्टरलाई उठाएर बारीको बीच भागमा लैजान खोज्दा असन्तुलन भई दुर्घटना भएको उनले बताए।
घटनाको विस्तृत विवरण आउन बाँकी रहेको छ भने सम्बन्धित निकायले थप अनुसन्धान गरिरहेको जनाइएको छ।
