काठमाडौं — सिताराम गोकुल मिल्क्स उद्योग द्वारा प्रशोधित दूधमा मापदण्डभन्दा कम चिल्लो पदार्थ (फ्याट) भेटिएपछि सो दूधको बिक्री वितरणमा रोक लगाइएको छ।
खाद्य प्रविधि तथा गुण नियन्त्रण विभाग ले गरेको अनुगमनका क्रममा उक्त दूधमा ३.० प्रतिशत हुनुपर्ने फ्याटको मात्रा मात्र १.४ प्रतिशत भेटिएको जनाएको छ।
अनुगमनमा सहभागी एक अधिकारीका अनुसार उत्पादन मिति २०८२–१२–०२ र ब्याच नम्बर २८६१० रहेको दूधलाई बजारमा बिक्री गर्न प्रतिबन्ध लगाइएको हो।
खाद्य स्वच्छता तथा गुणस्तर ऐन, २०८१ को दफा ३३ अनुसार कुल ५ सय १९ क्रेट दूध (प्रत्येक क्रेटमा ५०० मिलिलिटरका २० पोका) बिक्रीमा रोक लगाइएको विभागले जनाएको छ।
विभागले उपभोक्ताको स्वास्थ्य सुरक्षालाई ध्यानमा राख्दै यस्ता मापदण्ड विपरीतका खाद्य पदार्थमाथि कडाइ जारी राख्ने पनि बताएको छ।
