अमेरिकी राष्ट्रपति डोनाल्ड ट्रम्पले युद्ध अन्त्य गर्नका लागि इरानले सम्झौता गर्न चाहेको दाबी गरेका छन। तर, अहिलेसम्म आफु सम्झौताका लागि तयार नरहेको उनले बताए ।
उनले इरानले अघि सारेका शर्तहरु पर्याप्त राम्रो नरहेको बताए । एनबीसीसँगको कुराकानीमा उनले यस्तो खुलासा गरेका हुन् ।
ट्रम्प्ले खार्ग टापु पूर्ण रुपमा अमेरिकाले ध्वस्त गरेको दाबी गरे । तर, इरानको यस महत्वपूर्ण तेल निर्यात केन्द्रमा अझै केही आक्रमण गरिने बताए ।
शनिबार राति इरान र इजरायल दुबैले मिसाइल तथा ड्रोन आक्रमण–प्रत्याक्रमण गरेका छन् । त्यस्तै साउदी अरेबिया, युएइ, कुवेत र कतारले इरानी ड्रोनको प्रतिरोध गरिएको दाबी गरेका छन् ।
इराकको बग्दादस्थित अमेरिकी दूतावासले आफ्ना नागरिकहरुलाई तत्कालै इराक छाड्न चेतावनी दिएको छ । इरानले शनिबार बग्दादस्थित अमेरिकी दूतावासको भवनमा मिसाइल प्रहार गरेको थियो ।
