दुर्गा नारायण खतिवडा(बिबेक)
केरौन, १९ फाल्गुन । कानेपोखरी २ थारुचोकका समाजसेवी दिपक चौधरीले स्थानीय युवाहरूलाई ५० थान होलिको शुभकामना लेखिएको भेस्ट वितरण गरेका छन्।
कानेपोखरीस्थित केरोन चोकमा मंगलबार बिहान होलि खेल्न भेला भएका युवा हरुलाइ उनले भेस्ट प्रदान गरेका हुन्।
हिन्दू समुदायमा मनाइने रंगहरूको खुसी र एकता व्यक्त गर्ने एक ठूलो पर्व को रुपमा फाल्गुन पुर्णिामाका दिन परम्परागत रुपमा हिन्दुधर्मावलम्बीको पर्वको रुपमा मनाउदै आएको चाड होलि मनाउन युवा हरुमा होसला बढाउने उदेश्यले भेस्ट बितरण गरेको समाजसेवी चौधरी बताउछन्।
चौधरीका अनुसार यो पहल समाजमा सकारात्मक सन्देश फैलाउने, सुरक्षित वातावरणमा होली खेल्न प्रोत्साहन गर्ने तथा युवाबीच आपसी सद्भाव बढाउने उद्देश्यले गरिएको हो।
भेस्ट प्राप्त गरेका युवाहरू र स्थानीयबासीले चौधरीको यो सामाजिक कार्यको प्रशंसा गरेका छन्। यस्ता कार्यहरूले समाजलाई एकताबद्ध बनाउन मद्दत गर्ने समेत एक युवाले बताए।
